ނޫރުލްއިސްލާމްގެ ކިޔުންތެރިންނަށް ފަސޭހަކުރުމަށް، ހުށަހެޅިފައިވާ ބައެއް ޚިޔާލުތަކަށް ރިޢާޔަތްކޮށް އަލަށް ފަރުމާކުރެވުނު ސައިޓު މިހާރުވަނީ އަޕްލޯޑު ކުރެވި ތަޖުރިބާ ކުރުމުގެ މަރުޙަލާގައެވެ. ޞަފްޙާތަކަށް ގެނެވުނު ބަދަލުތަކާއި ގުޅޭގޮތުން ކޮމެންޓު ކުރެއްވުމުގެ ފުރުޞަތު، މިމަހުގެ 13 ވާ ބުރާސްފަތިދުވަހުގެ ހަވީރު 4:00 އާ ހަމައަށް ހުޅުވާލެވިފައިވާ ވާހަކަ ދަންނަވަމެވެ.

ދުނިޔޭގެ މަޤްބޫލުކަން ހޯއްދަވާފައިވާ ދުނިޔޭގެ އެންމެ މަޝްހޫރު ދާޢީންގެ ތެޜޭގައި ހިމެނިވަޑައިގަންނަވާ ޑޮކްޓަރ ޒާކިރު ނައިކް ރާއްޖޭ ގެނައުމަށްޓަކައި ސްޕޮންސަރ ދޭން ބޭނުންވާ ފަރާތްތަކާއި ތަކެތީގެ ގޮތުންނާއި މަސައްކަތުގެ ގޮތުން އެހީތެރިވެދޭން ބޭނުންވާ ފަރާތްތަކަށް އިސްލާމިކް މިނިސްޓްރީން އެކަމުގެ އެފުރުސަތު ހުޅުވާލައިފިއެވެ. އިސްލާމިކް މިނިސްޓްރީގެ މީޑިއާ ކޯޑިނޭޓަރ އަހުމަދުﷲ ޖަމީލް ވިދާޅުވީ މިކަމަށް އެހީތެރިވެދޭން ބޭނުންވާ ފަރާތްތަކުން މިނިސްޓްރީއާއި ގުޅުއްވައިގެން ނުވަތަ ލިޔުމަކުން އެކަން އެންގެވުން އެދިވަޑައިގަންނަވާކަމަށެވެ.

ދުނިޔޭގެ މަޝްހޫރު ދާޢީ އަދި ކުޅަދާނަ ވާހަކަ ދެއްކުންތެރިޔާ ޑޮކްޓަރ ޒާކިރު ޢަބްދުލްކަރީމް ނައިކް ރާއްޖެވަޑައިގަންނަވާނީ އަންނަ މެއި މަހު 25 ން 31 އަށް ކަމަށް އިސްލާމިކް މިނިސްޓްރީން ވިދާޅުވެއްޖެއެވެ. މިކަން ހާމަކޮށްފައިވަނީ އެމިނިސްޓްރީގެ ރަސްމީ ވެބްސައިޓުގައެވެ. މިދަތުރުގައި އަރިހުގައި ޑރ. ޒާކިރު ނައިކްގެ އަނބިކަބަލުންނާއި ޢާއިލާގެ ބޭފުޅުން ވަޑައިގަންނަވާނެއެވެ. މިދަތުރު ފުޅަކީ އިސްލާމިކް މިނިސްޓްރީގެ ދަޢުވަތަކަށް ކުރައްވާ ދަތުރުފުޅެކެވެ.

ދުނިޔެއަށް އެންމެ މަޝްހޫރު ދާޢީންގެ ތެރޭގައި ހިމެނިވަޑައިގަންނަވާ، އަދި ޕީސް ޓީވީ އިން އަޅުގަނޑުމެންނާއި “އެންމެ ރައްޓެހި، އެންމެ މަޤްބޫލް” ޑރ. ޒާކިރު ނައިކް އާއި އޭނާގެ ޢާއިލާ ރާއްޖެ ވަޑައިގަތުމަށް ހަމަޖެހިއްޖެއެވެ. ޑރ. ޒާކިރު ނައިކް ރާއްޖެވަޑައިގަތުމަށް މިނިސްޓްރީ އޮފް އިސްލާމިކް އެފެއާޒުން ދެއްވާފައިވާ ދައުވަތު ޤަބޫލުފުޅުކުރައްވައި މިއަންނަމަހުގެ ފަހުކޮޅު ރާއްޖެވަޑައިގެން ދެއްވާނެކަމުގެ ޔަޤީންކަން ދެއްވައިފިކަމަށް ނޫރުލްއިސްލާމަށް މަޢުލޫމާތު ލިބިފައިވެއެވެ. ޑރ. ޒާކިރު ނައިކްގެ އިސްލާމިކް ރިސާޗް ފައުންޑޭޝަންގެ ވެބްސައިޓުގައި ހާމަކޮށްފައިވާ ގޮތުން މިއަންނަ މަހުގެ ފަހުކޮޅުގައި ރާއްޖެއަށް ޑރ. ޒާކިރުގެ ލެކްޗާރ ދަތުރެއް ވަނީ ހަމަޖެހިފައެވެ.

ރާއްޖެ އިސްލާމްވީ ދުވަހާއި ގުޅުވައިގެން ދިވެހި ސިފައިންގެ އިސްބޭފުޅުންގެ އިންތިޒާމު ކުރައްވައިގެން ސިފައިންނާއި މުޚާޠަބު ކުރައްވައި ދިވެހިރާއްޖޭގެ މަޝްހޫރު ދީނީ ޢިލްމުވެރިޔާ ފަޟީލަތުއްޝައިޚް އިލްޔާސް ޙުސައިން ދެއްވުމަށް ހަމަޖެހިފައި އޮތް ދީނީ ދަރުސް ދިވެހިސަރުކާރުން ހުއްޓުވައިފިއެވެ. އިންޓަނެޓުގެ ވެބްސައިޓެއްގައި އޮތް ޚަބަރަކާއި ގުޅިގެން ނޫރުލްއިސްލާމް ޓީމުގެ ފަރާތުން ޝައިޚް އިލްޔާސް ޙުސައިން އަށް ގުޅުމުން ޝައިޚް ވަނީ މި ޚަބަރު ކަށަވަރު ކޮށްދެއްވާފައެވެ.

މީހުން ދިރިއުޅޭ ރަށްރަށުގައި ބަނގުރާ ވިއްކުމުގެ ހުއްދަ ނުދޭގޮތަށް ދާދި ދެންމެއަކު ސަރުކާރުން ނިންމަވައިފިއެވެ. މިގޮތަށް ނިންމެވީ އިސްލާމިކް އެފެއާޒާއި ސަރުކާރުގެ ކަމާއިބެހޭ ފަރާތްތަކާމެދު ބޭއްވި މަޝްވަރާތަކަކަށް ފަހުގައެވެ. ބަނގުރަލާއި އޫރުމަހާއި އޫރުމަހުން އުފައްދާ ތަކެތި މީހުން ދިރިއުޅޭ ރަށްރަށުގައި ވިއްކުމާއި ދެކޮޅަށް މިމަހުގެ 26 ވީ ހުކުރު ދުވަހު ވަނީ މުޅި ރާއްޖޭގައި ބޮޑު މުޒާހަރާއެއް ކޮށްފައެވެ.

ރާއްޖޭގެ އެކިކަން ކޮޅުތަކުން މަދަނީ ޖަމިއްޔާތަކާއި، ކްލަބްތަށް ބައިވެރިވެފައިވާ މަދަނީ އިއްތިޙާދުން މަސައްކަތްކުރަމުންދަނީ، ދިވެހިރާއްޖޭގެ މީހުން އުޅޭ އެއްވެސް ރަށެއްގައި ބަނގުރަލުގެ އެއްވެސް މުއާމަލާތެއް ހިންގުން ހުއްދަކުރުމާއި ދެކޮޅަށްކަމަށް މަދަނީ އިއްތިޙާދުން ހާމަކުރައްވާފިއެވެ. މިހެން ހާމަކުރެއްވީ، މިއަދު ޓެލެވިޜަން މޯލްޑިވްސުން ވަގުތުން ލައިވް ކުރި ނޫސް ކޮންފަރެއްސެއްގައި ވާހަކަ ދައްކަވަމުން އައްޝައިޚް މުޙައްމަދު ދީދީއެވެ.

މިއަހަރު (1431ވަނަ އަހަރު) ދިވެހިރާއްޖެއިން ޙައްޖަށް ގެންދިއުމަށްޓަކައި ޕްރޮޕޯސަލް ހުށަހެޅި ފަރާތްތަކާއި، އޭގެ ތެރެއިން ޙައްޖަށް ގެންދިއުމަށް ހުއްދަ ދެވިފައިވާފަރާތްތައް މިނިސްޓަރީ އޮފް އިސްލާމިކް އެފެއާޒުން އިޢުލާން ކުރައްވައިފިއެވެ. ތިރީގައި މިވަނީ އެކަމާ ގުޅޭގޮތުންނާއި އަދި ގުރޫޕްތަކަށް ކޯޓާ ދެވިފައި ޢަދަދު ބަޔާންކުރައްވައި އިސްލާމިކް އެފެއާޒް މިނިސްޓްރީގެ ވެބްސައިޓުގައި ޝާއިޢުކޮށްފައިވާ މަޢުލޫމާތެވެ.

ސާދަސަތޭކަ އެއްތިރީސްވަނައަހަރު ރާއްޖެއިން ޙައްޖަށް ދާމީހުން ގެންދިއުމަށް ކުރިމަތިލާފައިވަނީ ތޭރަފަރާތަކުން ކަމަށް މިނިސްޓްރީ އޮފް އިސްލާމިކް އެފެއާޒުން މިއަދު ހާމަކުރައްވައިފިއެވެ. އެމިނިސްޓްރީގެ ވެބްސައިޓުގައި ހާމަކުރައްވާފައިވާގޮތުގައި މިއަދު ދޭއްޖެހުމާ ހަމައަށް ހުޅުވާލެވިފައި އޮތް މިފުރުޞަތުގައި ކުރިމަތިލާފައިވަނީ 13 ޖަމާޢަތަކުންނެވެ. ޖަމާޢަތްތަކުން ހުށަހެޅި ހުށަހެޅުންތައް އިސްލާމިކް އެފެއާޒުން ދިރާސާ ކުރެއްވުމަށްފަހު މާދަމާގެ 16.00ގެކުރިން ހާމަކުރުމަށް ހަމަޖެހިފައިވާކަމަށްވެސް އެ މިނިސްޓްރީން ވަނީ ހާމަކުރައްވާފައެވެ.

ހުކުރު ދުވަހު ހިފިއިރުކޭތައާއި ގުޅިގެން ކުރެވުނު ކޭތަނަމާދުގައި އާދަޔާ ޚިލާފަށް ގިނަމީހުން ބައިވެރިވިއެވެ. މިހެން ވުމުގެ ސަބަބުތަކުގެ ތެރޭގައި އިރުކޭތައިގެ އެނިޔުލަރ ފޭސް ސީދާ ހުކުރުވަގުތާ ދިމާވުމުގެ އިތުރުން މެންދުރު ނަމާދުގެ ބަންގީގެފަހުން ހުކުރުނަމާދުގެ ކުރިން ކޭތަނަމާދުކުރުމަށް ހަމަޖައްސާފައިވުމާއި، ކޭތަނަމާދުކުރުމުގެ މުހިންމުކަމުގެ މައްޗަށް ކަމާބެހޭ ފަރާތްތަކުންނާއި ޚަބަރުފަތުރާ ވަސީލަތްތަކުން ހާމަކުރި މަޢުލޫމާތުތަކާއި އަދި އުފެދުނު ހޭލުންތެރިކަން ހިމެނެއެވެ. އެހެން އެވެސް ފަހަރަކު މީހުންނަށް ހާމަނުކޮށްދޭވަރަށް ޓީވީ މޯލްޑިވްސް އިން އިރުކޭތަ އާބެހޭ މަޢްލޫމާތު ގެނެސްދިނުމުގައި ލިބިދިން ދީނީ މަޢްލޫމާތާއި އިރްސާދުތައް ގިނަގުނައެވެ.