ދިވެހި ސަރުކާރުން ދަޢުވަތު ދީގެން މީނާ ދިވެހިރާއްޖެ ގެނައީ ވަރަށް ނުބައިވެގެންވާ ޙީލަތްތެރި ރޭވުމެއްގެ ދަށުންކަން ކަށަވަރެވެ. މިކަން އެންމެ ހަރުކަށި ޢިބާރާތުން ކުށްވެރިކުރަމެވެ. އަދި މިފަދަ ދަށުދަރަޖައިގެ ޢަމަލެއް ހިންގުމަށް ދިވެހި ދައުލަތުގެ ޤަދަރު އުފުލިގެންވާ ޢިއްޒަތްތެރި ޤާނޫނު ހަދާ މަޖިލީހުގައި ފުރުޞަތު ދެއްވިކަމީ ދިވެހި އުންމަތުގެ މޫނުގައި ޖެހި ތަފާލެއްކަމުގައި ނޫނީ ނުދެކެމެވެ.

ބުއްދީގެ އަހުލުވެރިންނަށް މެނުވީ މީގެ ފަހަތުގައިވާ ޙަޤީޤަތްތައް ނޭނގޭނެއެވެ. ފިކުރު ހިންގަވާށެވެ. ހޯދައިގަންނާށެވެ. މިއީ ﷲގެ މަތިވެރި ޙުކުމްފުޅުތަކެވެ. މިޙުކުމްފުޅުތަކަށް ފުރައްސާރަ ރައްދު ނުކުރެއްވުމަށް އެންމެހާ ފަރާތްތަކަށް އާދޭހާއެކު ނަސޭހަތްތެރިވަމެވެ. ޚާއްޞަކޮށް ރާއްޖޭގެ ލޮބުވެތި ރައްޔިތުންގެ މަޖްލީހުގެ މެންބަރުން މިކަމުގައި ވިސްނާ ފިކުރު ހިންގެވުން އެދި ދަންނަވެ. ﷲ އަޅަމެންނަށް ހެޔޮ ވިސްނުން ދެއްވާށިއެވެ. އާމީން

ކީރިތި ޤުރްއާނުގައި މުޙައްމަދުގެފާނުގެ ސީދާ ނަންފުޅު " މުޙައްމަދު" މިނަންފުޅު 4 ފަހަރު ބަޔާންވެގެން ވެއެވެ. އެއީ އާލު ޢިމްރާން ސޫރަތުގައްޔާއި، އަލްއަޙުޒާބު ސޫރަތުގައްޔާއި، މުޙައްމަދު ސޫރަތުގައްޔާއި، އަލްފަތުޙު ސޫރަތުގައެވެ.

އެބައިމީހުންގެ މެދުގައި ޙުކުމެއް ކުރެއްވުމަށް ﷲ އާއި އެކަލާނގެ ރަސޫލާގެ އަރިހަށް އައުމަށް އެބައިމީހުންނަށް ގޮވައިލައްވައިފި ހިނދަކު މުއުމިނުންގެ ބަހެއްކަމުގައި ވާކަންކަށަވަރީ ތިމަންމެން އަހައިފީމުއޭ، އަދި ތިމަންމެން ކިޔަމަންވެއްޖައީމުއޭ ބުނުމެވެ. އަދި ދިންނަވައި ނަޞީބުލިބޭ މީހުންނަކީ ހަމަ އެބައިމީހުންނެވެ.

އިސްލާމްދީނުގައި އިންސާނާ އަށް ފުރިހަމަ މިނިވަންކަމެއް ހޯދާދީފައިވެއެވެ. އޭގެ ތެރޭގައި އެންމެ މަތިވެރި މިނިވަންކަމަކީ ވިސްނާ ފިކުރުކުރުމާއި ދުލުގެ މިނިވަންކަމެވެ. މިއީ އެއްވެސް ވަރަކަށް އިސްލާމްދީނުގައި ހިފަހައްޓާފައިވާ ކަމެއްނޫނެވެ. ނަމަވެސް ކޮންމެ މިނިވަންކަމަކަށް ވެސް އިސްލާމްދީން ކަނޑައަޅުއްވާފައިވާ އިމަކީ އަޚްލާޤީ އިމެވެ.

ވެރިޔަކު ޤައުމާ މުޚާޠަބުކުރައްވައި ވިދާޅުވި ބަސްފުޅުތަކެވެ. ވެރިޔާ އެދިވަޑައިގަންނަވަނީ ތިމަންމަނިކުފާނު މަގުން ކަސިޔާރުވެއްޖެ ނަމަ ތިމަން މަނިކުފާނު މަގަށް އަޅުވާ ދެއްވުމަށެވެ! މިއީ ވަރަށް ރީތި މިސާލެކެވެ. މިޒަމާނުގެ ވެރިން މިއިން ޢިބްރަތް ހޯދަންޖެހޭނެއެވެ. ތިމަންނާ އަށް ހެޔޮއެދިގެން ބަހެއް ބުނާ މީހާއީ ދުޝްމަން މީހާ ކަމުގައި ހީކޮށްގެންނުވާނެވެ. ތިމަންނާ އަށް އެންމެ ހެޔޮއެދޭ މީހަކީ ތިމަންނާ އަށް ޚުޝާމަދުކޮށް ތިމަންނާ ވިއްކައިގެން ކާމީހާކަމުގައި ދެކިގެން ނުވާނެއެވެ.

ޑީއެންއޭ ތަޙްލީލު ކުރަންޖެހޭނީ އެކަމަށް އެކަށީގެންވާ މެޝިންތަކުންނާއި އިތުބާރު ހުރި ކަމުގެ ތަޖުރިބާ ލިބިފައިވާ ޑޮކްޓަރުން ތިބެގެންނެވެ. އެނޫން ގޮތަކުން ކުރެވޭ ތަޙްލީލަކީ މުއްތަބަރު އެއްޗެއްނޫނެވެ. އަދި ޑީއެންއޭގެ ތަޙްލީލުގެ ނަތީޖާގެ މައްޗަށް ބިނާކޮށް އެއްވެސް ޙައްދެއް ޤާއިމު ނުކުރެވޭނެ ކަމަށް ޢިލްމުވެރިން އިއްތިފާޤުވެލައްވައެވެ.

މި މަޒްމޫނުގައި މި ބަޔާންކޮށްލަނީ މިޒަމާނުގައި ފާޅުވެގެން އުޅޭ ބައެއް ފިކުރީ މައްސަލަތަކުގެ ތެރެއިން އަންހެނުން އިންތިޚާބުތަކުގައި ވާދަކުރުމާމެދު ދީނުގައި އޮތް ބަޔާންކޮށް ދިނުމަށް އެދި އަޅުގަނޑަށް ހުށަހެޅުނު ސުވާލަކަށް އަޅުގަނޑުގަށް ދިރާސާކުރެވިފައިވާ މަޢްލޫމާތުގެ އަލީގައި ދެވިފައިވާ ޖަވާބެކެވެ. އަންހެނާއަކީ ފިރިހެނާ ފަދައިން ތަކުލީފްލިބިގެންވާ މުކައްލަފެކެވެ. ﷲ އަށް އަޅުކަން ކުރުމަށާއި، އެކަލާނގެ ދީން ޤާއިމުކުރުމަށާއި، ދީނުގެ ފަރްޟުވާޖިބުތައް އަދާކުރުމަށާއި، ޙަރާމްކަންތައްތަކުން ދުރުހެލިވެގަތުމަށް ފިރިހެނާގެ ކިބައިން އެދެވިގެންވާ ފަދައިން އަންހެނާގެ ކިބައިން ވެސް އެދެވިގެންވެއެވެ.

މުސްލިމު އަޚުންނޭވެ! ރޭދުވާތަކުރާރުވުމަކީ މިކާއިނާތުގައި ލެއްވިގެންވާ اللهގެ ކުޅަދުންވަންތަކަމުގެ އެންމެ މަތިވެރި އެއް ނިޝާނެވެ. ރޭތަކާއި ދުވަސްތަކަކީ މައްސަރުތައް އޭގެ މައްޗަށް ޤާއިމުވެގެންވާ ޙަޤީޤަތެވެ. މާތް اللهގެ ޙަޟްރަތުގައި މައްސަރުތަކުގެ ޢަދަދަކީ ބާރަކަން ކަށަވަރެވެ. މިކަން ކީރިތި ޤުރްއާނުގައި الله ވަނީ ކަނޑައެޅިގެން ބަޔާންކުރައްވާފައެވެ.

ޑޮކްޓަރ ޢަބްދުލްމަޖީދު ޢަބްދުލްބާރީ އަކީ ޢަދާލަތުޕާޓީގެ އެއް ތަނބެވެ. ޢިލްމުވެރިންގެ މަޖްލީހުގެ ރައީސެވެ. ޕާޓީގެ ވެސް ފުރަތަމަ ރައީސެވެ. ޢަދާލަތުޕާޓީގެ މުއައްސިސެކެވެ. ޑޮކްޓަރ ޢަބްދުލްމަޖީދު ޢަބްދުލްބާރީގެ މިނިސްޓަރކަމުގެ ދައުރަކީ އަޅުގަނޑުގެ ނަޒަރުގައި ދިވެހިރާއްޖޭގެ އިސްލާމީ ތާރީޚު ދުށް މުހިންމު ރަންދުވަސްތަކެކެވެ. ދީނީ ކަންތައްތަކަށް އިތުރުކުރިއެރުން ލިބިގެން ދިޔަ ޒަމާނެކެވެ. ބައިބައިވުން ކުޑަވެގެން ދިޔަ ދުވަސްތަކެކެވެ.