ނޫރުލްއިސްލާމް ވެބްސައިޓްގެ މުޝްރިފް އަދި އިސްލާމިކް މިނިސްޓަރ ފަޟީލަތުއްޝައިޚް މުހައްމަދު ޝަހީމް އަލީ ސަޢީދު ޑޮކްޓަރ އޮފް ފިލޯސަފީ (ޕީއެޗްޑީ) ހާސިލް ކުރައްވައިފިއެވެ. މިފުރުޞަތުގައި އެކަން ފާހަގަކޮށް ނޫރުލްއިސްލާމް ޓީމުގެ ނަމުގައި ޑރ. ޝަހީމަށް މަރުހަބާ ދަންނަވައި އިތުރު ކާމިޔާބީއަށް އެދެއެވެ. އަދި މި ފަދަ ޢިލްމީ ކާމިޔާބެއް ހޯއްދެވި ކަމަށްޓަކައި ނޫރުލްއިސްލާމް ޓީމުން ފަޚުރުވެރިވަމެވެ

1433 ވަނަ އަހަރުގެ ޛުލްޙިއްޖާ މަހުގެ ހަނދު މި ހިނގާ އޮކްޓޯބަރު މަހުގެ 15 ވަނަ ދުވަހުގެ ރޭ ފެނިފައި ނުވާތީ 1433 ވަނަ އަހަރުގެ ޛުލްޤަޢިދާ މަހުގެ 30 ހަމަކޮށް، ހިޖުރީ ސަނަތުން 1433 ވަނަ އަހަރުގެ ޛުލްޙިއްޖާ މަހުގެ 1 ވަނަ ދުވަހަކީ، މީލާދީ ސަނަތުން 2012 އޮކްޓޯބަރު 17 ވާ ބުދަ ދުވަސް ކަމަށް ސަޢޫދީ ޢަރަބިއްޔާގެ ސްޕްރީމްކޯޓުން ކަނޑައަޅައިފިއެވެ.

މަރުގެ ޙުކުމް ތަންފީޛުކުރުމާ ބެހޭގޮތުން، ރައީސުލްޖުމްހޫރިއްޔާ ޑޮކްޓަރ މުޙައްމަދު ވަޙީދު، ދައުލަތުގެ ކަމާބެހޭ އެންމެ އިސް ދާއިރާތަކުގެ ވެރިންނާ މިއަދު ބައްދަލުކުރައްވައި މަޝްވަރާ ކުރައްވައިފިއެވެ. އަޅުގަނޑުމެންގެ އުއްމީދަކީ، މިއީ ހަމައެކަނި ދެކެވޭ ވާހަކައަކަށްވުމަށްވުރެ، ޢަމަލު ކުރެވޭ ކަމަކަށް ވެގެން ދިޔުމެވެ. އަދި މިކަމުގައި ކަމާއިބެހޭ ހުރިހާ ފަރާތަކަށް ހެޔޮ ވިސްނުމާއި ތައުފީޤު ދެއްވުން އެދި އަޅުގަނޑުމެން ﷲގެ ޙަޟްރަތުގައި ދުޢާދަންނަވަމެވެ.

ޙައްޖުގެ އަޅުކަން އަދާކުރުމަށްޓަކައި މި އަހަރު އައްޑޫ ސިޓީން ދަތުރުކުރާ މީހުންނަށް ޚާއްޞަ ކޮށްގެން "ޙައްޖު ފޯރަމް 1433" މި ނަމުގައި އެއްދުވަހުގެ ފޯރަމެއް ބޭއްވުމަށް ހަމަޖައްސައިފި އެވެ. “މި ފޯރަމަކީ ހިތަދޫ ނޫރުލްއިސްލާމް ޖަމްޢިއްޔާ އިން އިންތިޒާމްކޮށްގެން މަރަދޫފޭދޫ ޖަމްޢިއްޔަތުލްމުވައްހިދީންއާއި ގުޅިގެން ހިންގާ ފޯރަމެކެވެ.

ނޫރުލްއިސްލާމްގެ ފަރާތުން އިންތިޒާމް ކޮށްގެން ބާއްވާ ޚާއްޞަ ދަރުސެއް މާދަމާރޭ (16 ޖޫން 2012 ވާ ހޮނިހިރު ދުވަހުގެރޭ) 8:15 ގައި ބޭއްވުމަށް ވަނީ ހަމަޖެހިފައެވެ. މި ދަރުސް ބޭއްވުމަށް ހަމަޖެހިފައިވަނީ އިންޓަނެޓް މެދުވެރިކޮށް ކޮންފަރެންސް ކޯލެއްގެ ގޮތުގައެވެ. "މަގޭ މަންމައާއި ބައްޕަ" މި މައުޟޫޢަށް ބޭއްވުމަށް ހަމަޖެހިފައިވާ މިދަރުސް ދެއްވުމަށް ހަމަޖެހިފައިވަނީ ޕެނަލްއަކުންނެވެ. ޕެނަލްގައި ތިއްބަވާނީ ނޫރުލްއިސްލާމްގެ އެޑިޓަރ އައްޝައިޚް މުޙައްމަދު އަނީލް އާއި ޑިޕިޔުޓީ އެޑިޓަރ އައްޝައިޚް ޢަބްދުﷲ ޞިއްދީޤް އާއި ޑިޕިޔުޓީ އެޑިޓަރ އައްޝައިޚް ޢަބްދުލްހާދީ ޙުސައިން އާއި އެޑިޓޯރިއަލް ބޯޑުގެ މެންބަރު އައްޝައިޚް މުޙައްމަދު ޢަފީފު އެވެ.

ދެޙަރަމުގެ ކަންތައްތައް ބަލަހައްޓާ މުއައްސަސާ، ރިޔާސަތުލް ޢާއްމާ ލި ޝުއޫނިލް މަސްޖިދިލްޙަރާމް ވަލް މަސްޖިދިއްނަބަވީ، (ޕްރެސިޑެންސީ އޮފް އަލްމަސްޖިދުލްޙަރާމް އެންޑް އަލްމަސްޖިދުއްނަބަވީ) ގެ ރައީސެއްގެ މަޤާމަށް، އަލްމަސްޖިދުއްނަބަވީގެ އިމާމު އަދި ޚަޠީބު، ފަޟީލަތުއްޝައިޚް ޑރ. ޢަބްދުއްރަޙްމާން ބުނު ޢަބްދުލްޢަޒީޒް އައްސުދައިސް، ޢައްޔަން ކުރައްވައިފިއެވެ.

މިހިނގާ މޭއި މަހުގެ 15 ވީ އަންގާރަ ދުވަހުގެރޭ ރާއްޖޭ ގަޑިން 8:30 ގައި ފެށި މި ދަރުސް ބާއްވާފައިވަނީ ސްކައިޕް އޯޑިއޯ ކޮންވަޒޭޝަން މެދުވެރިކޮށެވެ. މި ދަރުސްގައި އެކަށީގެންވާ ޢަދަދަކަށް ޒުވާނުން ބައިވެރިވެފައިވެއެވެ. މިގޮތުން ރާއްޖެއާއި ސަޢުދީ ޢަރަބިއްޔާ އާއި، އަދި މެލޭޝިޔާގައި ދިރިއުޅޭ ދިވެހި ޒުވާނުންތަކެއް ބައިވެރިވެފައިވެއެވެ. ދަރުސް ނިންމާލާފައިވަނީ ސުވާލާއި ޖަވާބު ސެޝަނަކާއެކުގައެވެ. ސުވާލުތަކަށް ޖަވާބު ދެއްވާފައިވަނީ ފަޟީލަތުއްޝައިޚް އިލްޔާސް ޙުސައިން އެވެ.

ސްކޫލް ކިޔަވާކުދިން އިމްތިޙާނުތަކަށް ތައްޔާރުވުމުގެ ގޮތުން މިސްކިތްތަކުގައި ތިބެގެން ފިލާވަޅު ދަސްކުރުމަކީ އެއްވެސް މައްސަލައެއް ނޫންކަމަށް ފަޟީލަތުއްޝައިޚް ޢަލީ ޒާހިރު ބިން ސަޢީދު ޤާސިމް ވިދާޅުވެއްޖެއެވެ. ކޮންމެ ހޮނިހިރު ދުވަހެއްގެ ރޭ ޢިޝާ ނަމާދު ފަހުން ޖަލާލުއްދީން މިސްކިތުގައި ބާއްވާ ޙަދީޘް ކުލާހުގައި މިދިޔަ ހަފްތާގެ ފިލާވަޅުތައް ނަންގަވާދެއްވަމުން ޝެއިޚް މިހެން ވިދާޅުވެފައިވަނީ، މިސްކިތުގައި ދެއްކުން ހުއްދަ ވާހަކަތަކާ ބެހޭ ގޮތުން ތަފްޞީލް ދެއްވަމުންނެވެ.

ތަހުޒީބު އަޚްލާޤީ މުޖުތަމަޢަކަށް – މި ޝިޢާރުގެ ދަށުން މިހިނގާ އޭޕްރިލް މަހުގެ 27 އިން 28 އަށް އިސްލާމިކް މިނިސްޓްރީއިން ވޯކްޝޮޕެއް ބޭއްވުމަށް ހަމަޖެހިފައިވާކަމަށް އެމިނިސްޓްރީން ހާމަކުރައްވައިފިއެވެ. އެ މިނިސްޓްރީގެ ރަސްމީ ވެބްސައިޓްގައި ވާގޮތުން ޒުވާނުންނަށް އަމާޒުކޮށްގެން ބޭއްވޭ މި ވޯކްޝޮޕްގައި ބައިވެރިވުމުގެ ފުރުޞަތު ވަނީ ހުޅުވާލެވިފައެވެ.

މި ދަރުހަކީ އެހެން ދަރުސްތަކާ ޚިލާފަށް ސުވާލު ކުރުމުގެ ފުރުޞަތު ހުޅުވާލައިގެން ގެނެސް ދިނުމަށް ހަމަ ޖެހިފައިވާ ދަރުހެކެވެ. ސުވާލުތަކަށް ޖަވާބު ދެއްވުމަށް ތިއްބާވާނީ: ފަޟީލަތުއްޝައިޚް އިލްޔާސް ޙުސައިން، ފަޟީލަތުއްޝައިޚް މުޙައްމަދު ނަޝީދު އާދަމް، ފަޟީލަތުއްޝައިޚް މުޙައްމަދު ލަޠީފް، ފަޟީލަތުއްޝައިޚް މުޙައްމަދު ޢިޔާޟް ޢަބްދުއްލަޠީފް، ފަޟީލަތުއްޝައިޚް މުޙައްމަދު ޠައްޔިބު އަދި ފަޟީލަތުއްޝައިޚް މުޙައްމަދު ހައިޘަމް އެވެ.