ހިތްނުތަނަވަސް ވުމާއި ހިތާމަވެރިކަމަކީ އެއްވެސްމީހަކު އިޙުސާސްކުރަން ޝައުޤުވެރިވާނެ ކަމެއްނޫނެވެ. އެހެންނަމަވެސް މިދުނިޔޭގައި މިކަންތައް ތަޖުރިބާކުރަން އެންމެންވެސްޖެހެއެވެ. އެޙާލަތުގައި އެއީ ﷲގެ ޙަޞްރަތުން މެދުވެރިވި އިމްތިޙާނެއްކަމަށް ޤަބޫލުކޮށް ކެއްތެރިވުމަކީ މުއުމިނުންގެ ސިފައެކެވެ.

މިއަދު ޢާއްމު ކޮށް ދެކެވޭ އެއްވާހަކައަކީ އަންހެނުންގެ ވާހަކައެވެ. އެބައިމީހުންގެ ޙައްޤުތަކުގެ ވާހަކައެވެ. އިސްލާމްދީން އެބައިމީހުން ނިކަމެތި ކުރި ވާހަކައެވެ. އިސްލާމްދީނުގެ ޢަދާވާތްތެރިން އިސްލާމް ދީނުގައި އަންހެނުންނަށް ދެވިފައިވާ މަޤާމު އޮޅުވާލުމަށްޓަކައި އިސްލާމްދީނުގެ ކުރީގައްޔާއި އަދި ފަހުގައި އަދި ކާފަރު ޤައުމުތަކުގައި އަންހެނުންގެ ހާލަތު ނޭންގޭ މީހުންގެ ގާތު މިފަދަ ވާހަކަތައް ދައްކާ ހަދައެވެ.

ގާތުން ކިރުދިނުމުގެ ސަބަބުން މަންމައަށް މިފަދަމަތިވެރި ބާއްޖަވެރިކަމެއް އިޙްސާސް ކުރެވޭއިރު އޭގެސަބަބުން ނަފްސާނީ ގޮތުންނާއި ޢާޠިފީގޮތުން ދަރިފުޅަށް ލިބިދޭ ހަމަހަމަކަމުގެ ނަތީޖާއަކީ އަބަދުވެސް އުފާވެރިކަން އިޙްސާސްވުމެވެ. މަންމަ ދަރިފުޅަށް ކިރުދިނުމަށްޓަކާ ދަރިފުޅު މަންމަގެ މެއާ ކައިރިކޮއްލުމާއެކު އެދަރިފުޅަށް ރީތިމިއުޒިކެއްފަދައިން އިވެންފަށަނީ މަންމަގެ ހިތުގެ ވިންދުގެ ރީތި މިއުޒިކީ އަޑެވެ. އެވަގުތު ދަރިފުޅަށް އެލިބޭ ހިތްހަމަޖެހުމާއި އަރާމުގެ ތެރޭގައި ގިނައިރުތަކެއްނުވެ ނިދުމާއި ހުވަފެނުގެ ތެރެއަށް ގެއްލިގެން ހިނގައިދާނެއެވެ. ވީމާ، މިވަރުގަދަ ގުޅުމަކީ ތައްޔާރީކިރުން ދުވަހަކުވެސް ގާއިމުވާނެ ގުޅުމެއްނޫނެވެ.

ޢާއިޝާ އަކީ ސްކޫލްގައި އެހާ 'މަޝްހޫރު' ކުއްޖެއް ނޫނެވެ. އޭނާއަކީ ބަސްއަހާ އަޚްލާޤު ރަނގަޅު ކުއްޖެކެވެ. ކުލާހުގެ ހުރިހާކުދިންނާއި މުދައްރިސުން އޭނާއަށް އިޙްތިރާމް ކުރެއެވެ. އެއީ ބަސްއަހާ ކުދިންދެކެ އެންމެންވެސް ލޯބިވާތީއެވެ.ޢާއިޝާގެ ޢުމުރުން މިހާރު 12 އަހަރުވެއްޖެއެވެ. މިހާރަކަށް އައިސް ޢާއިޝާގެ މޫނުމަތިން މޮޅިވެރިކަމެއް ޢާއިޝާގެ މަންމައަށް ފާހަގަ ކުރެވެއެވެ. ހީވަނީ ކޮންމެވެސް ކަމަކާ މެދު ވިސްނާހެންނެވެ.

އަޅުގަނޑުމެންގެ މިކުޑަކުޑަ ރިސާލާއިން ތިޔަ ކަނބަލުންނަށްޓަކައި ހުށަހަޅަނީ ދެދުނިޔޭގެ ކާމިޔާބު ލިބިއްޖެ އަންހެނަކީ ކޮބައިކަމެވެ. ލޯބީގެ ޙަޤީޤަތަކީ ކޮބައިކަމެވެ. އަދި ލޯބިކުރަންޖެހެނީ ކޮންފަރާތަކަށްކަމެވެ. އަޅުގަނޑުމެންގެ ލޯބި ޚާލިޞްވާން ޖެހެނީ ހަމައެކަނި މާތްﷲ އަށް ކަމެވެ. އެއީ އަޅުގަނޑުމެން ހައްދަވައި ގެންގުޅުއްވާ އަޅުގަނޑުމެންގެ ކަންތައް ރަނގަޅަށް ބަލަހައްޓަވަމުން ގެންދަވާ އަޅުގަނޑުމެންދެކެ އެންމެ ބޮޑަށް ލޯބިވެވޮޑިގަންނަވާ ކަށަކުޅަދުންވަންތަ މާތްﷲ އެވެ. އެއިލާހު ނޫން އެހެންފަރާތަކަށް ލޯތްބެއް ކުރަންވެއްޖެނަމަ އެލޯބި ﷲ އަށްޓަކައި ކުރެވޭ ލޯތްބަކަށް ނޫނީ ވެގެންނުވާނެއެވެ. މީހަކާ ރުޅިވެރި ވިކަމުގައިވިޔަސް ރުޅިވެރިވާން ޖެހޭނީވެސް ﷲ އަށްޓަކައެވެ. އަދި އެމީހާދެކެ ނުރުހުންތެރިވާން ޖެހޭނީވެސް އެއިލާހަށްޓަކައެވެ. މިގޮތްމަތީ ލޯބި ދެމިހުރެއްޖެނަމަ އެފަދަ ލޯތްބަކީ ޙަޤީޤީ ލޯތްބަކަށް ވާނެއެވެ.

ޖުމްހޫރު ޢިލްމުވެރިން (ގިނަޢިލްމުވެރިން) ދެކެވަޑައިގަންނަވަނީ ހައިޟުވެރިޔާ ހައިޟުގެ ދުވަސްވަރު ޤުރުއާން ކިޔެވުމަކީ ޙަރާމްކަމެއްކަމުގައެވެ. ހަމަ އެކަނި އިސްތިޘްނާ ވެގެންވަނީ އޭނާ ދުޢާކުރުމުގައި ބޭނުންކުރާ ބައެއް އާޔަތްތަކެވެ. މިސާލަކަށް ( رَبَّنَا آتِنَا فِي الدُّنْيَا حَسَنَةً وَفِي اْلآخِرَةِ حَسَنَةً وَقِنَا عَذَابَ النَّارِ)

ފިރިހެނުންނަށާއި ފިރިހެނުންނާއި ވައްތަރުވާން އުޅޭ އަންހެނުންނަށް رَسُولُ اللهِ صلَّى الله عليه وسلم ލަޢުނަތްލެއްވިއެވެ." މިގޮތުން ކަންފަތުގެ ފޫޅަށްވުރެ ކުރުކުރުން ހުއްދަ ވެގެންނުވެއެވެ. އެއަށްވުރެ ކުރުކޮށްފިނަމަ ފިރިހެނަކާ އެއްގޮތްވުން ކައިރިކަންބޮޑެވެ.

މިއަދުވެސް ގިނަ އަންހެނުން މަސައްކަތްކުރަނީ އިޤްތިސާދީ ޕިރަމިޑްގެ އެންމެ ތިރީގައެވެ. ގިނައީ އޮފީސްތަކުގައި އުޅޭ ސްޓާފް ކުދިން، ފެކްޓްރީ މަސަކްކަތްކުރާ މީހުން، ސޭލސް ގަރލް ފަދަ ވަޒީފާތަކުގައި އުޅޭ އަންހެނުންނެވެ. މިއަދު އެމެރިކާގެ ވަޒީފާ އަދާކުރާ މީހުންގެ 50% މީހުންނަކީ އަންހެނުންނެވެ. ގާތްގަނޑަކަށް 78% އަންހެނުން ތިބެނީ ކޭޝިޔަރުންގެ މަޤާމްގައެވެ. އަދި 90% ސެކްރެޓަރީންނަކީ އަންހެނުންނެވެ. މެނޭޖަރުންނާއި އެޑްމިނިސްޓްރޭޓަރުންގެ މަޤާމްގައި ތިބީ އެންމެ 13% އަންހެނުންނެވެ. އަންހެނުނަށް ވަޒީފާގެ ހަމަހަމަކަން ހޯދައިދިނުމަކީ އަވާމެންދުރެއް ކަމުގައިވިޔަސް އެތައް މިލިޔަން އަންހެނުން ވަނީ އެބައިމީހުންގެ ގެތަކުން ނުކުމެ އެބައިމީހުންގެ އާއިލީ ނިޒާމް މުގުރާ ފުޑުފުނޑުކޮއްލާފައެވެ.

18 ވަނަ ޤަރުނުގެ ކުރިން އެމެރިކާއަކީ ދަނޑުވެރިކަން ކުރި ޤައުމެކެވެ. އަދި އެޤައުމުގެ 90% މީހުން މަސައްކަތް ކުރަމުން ގެންދިޔައީ އަމިއްލަ ދަނޑުތަކުގައެވެ. ކޮންމެ ގެއެއްގެ މީހުންވެސް އުޅެމުން ދިޔައީ އަމިއްލަޔަށް ފުދިގެންނެވެ. އާއްމުގޮތެއްގައި އެމީހުންނަށް ބޭނުންވާ ހުރިހާއެއްޗެއް އެމީހުންގެ ގެތަކުން ލިބެއެވެ. ގޭގައި އުފެއްދެން ނެތް ތަކެތި އެމީހުން ގަނެ އުޅުނީ އެތާނގެ މަސައްކަތްތެރިންގެ ގާތުންނެވެ. ޔޫރަޕުން އެތެރެ ކޮށްފައިވާ އެހެނިހެންތަކެތި ގަނެ އުޅެނީ ފިހާރަތަކުންނެވެ. ގޭގެ ފިރިހެންވެރިން ދަނޑުގެ ކަންތައް ބަލަހައްޓައެވެ. އަދި އަންހެންވެރިން ގޭގެ ކަންތައްތަކުގައި ގޭގައި މަސައްކަތް ކުރެއެވެ.

މި އިރުޝާދުތަކުގެ އިތުރުން ﷲ ސުބުޙާނަހޫ ވަތަޢާލާ އެންގެވި އެންމެހައި އެންގެވުންތަކަށް ތަބާވެއްޖެނަމަ ތިބާ ވާނީ ރީތީގެ ރާނީއަކަށެވެ. ސުވަރުގޭގެ ގަނޑުވަރުތަކުގެ ތެރޭގައެވެ. މާތްކަމާއި ޢިއްޒަތުގައެވެ. ނިޢުމަތާއި އުފަލުގައެވެ. އަރާމާއި ހިތްހަމަޖެހުމުގައެވެ.